అస్సాం ప్రదేశ్ కాంగ్రెస్ కమిటీ అధ్యక్షుని రాజకీయ సలహాదారుగా ప్రొడ్యూత్ బోరా నియమితులయ్యారు. అస్సాం పీ.సీ.సీ. ప్రెసిడెంట్ భూపేన్ కుమార్ బోరా ఆఫీస్ ఆర్డర్ ద్వారా ఈ ప్రకటనను వెల్లడించారు. ఈ సందర్బంగా భూపేన్ కుమార్ బోరా మాట్లాడుతూ… ప్రొడ్యూత్ బోరా నియామకం పార్టీలో మార్పుల తరంగం మధ్య వచ్చిందని తెలిపారు. అంతకుముందు రోజే ఏ.పీ.సీ.సీ. ఉపాధ్యక్షుడు ద్విజెన్ శర్మ తన రాజీనామాను సమర్పించారని అన్నారు. శర్మ తన పదవి నుండి వైదొలగాలని తీసుకున్న నిర్ణయాన్ని తక్షణమే అమల్లోకి తెస్తూ తనకు లేఖ ద్వారా తెలియజేశారన్నారు.
లేఖలో శర్మ రాజీనామా వెనుక గల కారణాలను స్పష్టంగా పేర్కొనకపోగా, వచ్చే ఎన్నికల్లో గౌహతి లోక్ సభ నియోజకవర్గంలో పోటీ చేసేందుకు ఆయన పార్టీ టిక్కెట్ను కోరుతున్నట్లు ఊహాగానాలు వెలువడ్డాయి. అయితే అదే నియోజకవర్గానికి మీరా బోర్తకూర్ అభ్యర్థిగా ఎంపికయ్యే అవకాశం ఉందని పుకార్లు వ్యాపించడంతో శర్మ ఏ.పీ.సీ.సీ. లోని తన పాత్రకు రాజీనామా చేయాలని నిర్ణయించుకున్నారన్నారు.