కాకినాడ జిల్లాలో డిసెంబర్ 3 న కాకినాడ జిల్లా స్విమ్మింగ్ పోటీలు జరగనున్నాయని కాకినాడ జిల్లా ఆక్వాటిక్ అసోసియేషన్ అధ్యక్షులు పెద్దిరెడ్డి సతీష్ తెలిపారు. స్విమ్మింగ్ జట్టు ఎంపికలు కాకినాడ సమీపంలోని వాకాడ గ్రామంలో గ్రీన్ ఫీల్డ్ ఇంటర్నేషనల్ స్కూల్ నందు జరుగుతాయని ఆయన అన్నారు. గ్రూప్ వన్, టు, త్రీ, ఫోర్, ఫైవ్ లో బాలబాలికలకు పోటీలు నిర్వహస్తారని, ఈ పోటీలకు 2006 నుండి 2017 వరకు మధ్య వయసు బాలబాలికలు అర్హులని తెలిపారు. ఈ పోటీల్లో 1, 2, స్థానాల్లో గెలుపొందిన గ్రూప్ 1, 2, 3, వారిని డిసెంబర్ 16, 17 తేదీల్లో పల్నాడు జిల్లా నరసరావుపేట ఎస్.ఎస్.ఎన్. కాలేజీ నందు జరగబోయే తొమ్మిదవ జూనియర్, సబ్ జూనియర్ వింటర్ అక్వాటిక్ చాంపియన్షిప్ స్విమ్మింగ్ పోటీలకు ఎంపిక చేయడం జరుగుతుందని తెలిపారు.