మధురై లోని థేని నియోజకవర్గానికి డీ.ఎం.కే. అభ్యర్థి తంగ తమిళ్‌సెల్వన్, అన్నాడీఎంకే అభ్యర్థి వీటీ నారాయణస్వామి గురువారం బీ.జే.పీ., ఎం.ఎం.కే. అభ్యర్థి టీ.టీ.వీ. దినకరన్ నామినేషన్‌ను రద్దు చేయాలని రిటర్నింగ్ అధికారి ఆర్.వి. శజీవనను కోరారు. సార్వత్రిక ఎన్నికల పరిశీలకుడు గౌరంగ్‌భాయ్‌ హెచ్‌ మక్వానా, వివిధ పార్టీల కార్యకర్తల సమక్షంలో రిటర్నింగ్ అధికారి శజీవన దాఖలు చేసిన పత్రాలను పరిశీలించారు.
ఆ సమయంలో తమిళసెల్వన్, నారాయణసామి ఇద్దరూ తమ మద్దతుదారులతో కలిసి దినకరన్ నామినేషన్‌ను రద్దు చేయాలని ఆర్.ఓ. ని కోరారు. ఈ.సీ.ఐ. వెబ్‌సైట్‌లో అతని అఫిడవిట్ కనుగొనబడలేదు అని ఆరోపిస్తూ… అతని ఆస్తికి సంబంధించిన పత్రాలను, ఏదైనా క్రిమినల్ కేసుల వివరాలను ధృవీకరించడానికి కొంత సమయం అవసరమని తెలిపారు.
అయితే ఇద్దరు అభ్యర్థులు భారత్, సింగపూర్‌లో దినకరన్ ద్వంద్వ పౌరసత్వాన్ని కలిగి ఉన్నారని, పుదుచ్చేరిలోని తన ఆస్తుల వివరాలను వదిలిపెట్టారని ఆరోపించారు. పరిశీలన తర్వాత, ఆర్.ఓ. శజీవన వారి అభియోగాలను కొట్టివేసారు. ఖచ్చితమైన సాక్ష్యాలను అందించాలని కోరారు. పత్రాలను అందించడంలో విఫలమైతే కోర్టును ఆశ్రయించాలని డీ.ఎం.కే. మద్దతుదారులను కూడా ఆమె కోరారు. ఎట్టకేలకు దినకరన్ నామినేషన్‌ను ఆమోదించారు.
