అంబెద్కర్ కోనసీమా జిల్లా అమలాపురంలో కొత్తగా ఏర్పాటుచేసిన షాపింగ్ మాల్స్ పరిసర ప్రాంతంలో ట్రాఫిక్, పార్కింగ్ ఏర్పాట్లును డి.ఎస్.పి., మున్సిపల్ కమిషనర్, టౌన్ పోలీస్ స్టేషన్ ఇన్స్పెక్టర్ సమీక్షించారు. అమలాపురం హైస్కూల్ సెంటర్ నుండి ఎస్.కే.బి.ఆర్. కాలేజ్ వైపు వెళ్లే రోడ్లో ఇటీవల కొత్తగా పెట్టిన షాపింగ్ మాల్స్ వల్ల ట్రాఫిక్ ఇబ్బంది కలుగుతుందని కొంతమంది సామాజిక మాధ్యమాలలో, మీడియా ద్వారా వ్యక్తపరిచారు.
ఈ విషయమై అమలాపురం డిఎస్పి ఎం. అంబికా ప్రసాద్, మున్సిపల్ కమిషనర్ నాయుడు, తదితరుల సమక్షంలో సీ.ఎమ్.ఆర్. షాపింగ్ మాల్ మేనేజర్ బృందం, ఎస్.ఆర్. షాపింగ్ మాల్ మేనేజర్ బృందాలతో పట్టణ పోలీస్ స్టేషన్లో సమావేశాన్ని నిర్వహించారు. డిఎస్పి ఎం. అంబికా ప్రసాద్ మాట్లాడుతూ… ప్రజలకు ఎటువంటి ఇబ్బందులు కలగకుండా షాపింగ్ మాల్ యాజమాన్యాలు తీసుకోవలసిన చర్యల గురించి వివరించారు.