# అడ్డుకున్న ఐసిడిఎస్ సిబ్బంది
సామర్లకోట పట్టణంలో మైనర్ బాలిక వివాహ తంతును ఐసిడిఎస్, చైల్డ్ వెల్ఫేర్ సిబ్బంది అడ్డుకున్నారు. స్థానిక తోటవారి వీధికి చెందిన 16 సంవత్సరాల మైనర్ బాలికకు పెద్దాపురం పట్టణానికి చెందిన ఆమె మేనమామతో వివాహం చేసేందుకు బాలిక తల్లిదండ్రులు నిర్ణయించారు. ఈ మేరకు గురువారం ఉదయం రహస్యంగా బాలికకు నిశ్చితార్థం చేసేందుకు ఏర్పాట్లు చేపట్టారు. ఇంతలో ఆ విషయం అంగన్వాడీ సూపర్ వైజర్ ఉమా మహేశ్వరికి చేరింది. కాకినాడ చైల్డ్ వెల్ఫేర్ జిఎంఎస్కె లక్ష్మి, స్థానిక అంగన్వాడీ వర్కర్లు వి వెంకటలక్ష్మి, ఎం వి శ్రీలక్ష్మి, వానీదేవి, టి నాగమణి బాలిక గృహానికి వెళ్లి నిశ్చితార్థ కార్యక్రమాన్ని అడ్డుకున్నారు.