లోక్‌సభ ఎన్నికల మొదటి రెండు దశలకు సంబంధించి సవరించిన తుది గణాంకాల పై ఆందోళన వ్యక్తం చేస్తూ పశ్చిమ బెంగాల్ ముఖ్యమంత్రి మమతా బెనర్జీ బుధవారం మాట్లాడుతూ… పోలింగ్ శాతం ఒక్కసారిగా పెరగడం కలవరపెడుతోంది. పశ్చిమ బెంగాల్‌లోని ముర్షిదాబాద్ జిల్లాలోని ఫరక్కా వద్ద జరిగిన ర్యాలీలో తృణమూల్ కాంగ్రెస్ అధిష్టానం కూడా ఈ.వీ.ఎం. ల విశ్వసనీయతపై తీవ్ర భయాందోళనలు వ్యక్తం చేసింది. ఏప్రిల్ 30, మంగళవారం, ఏప్రిల్ 19, ఏప్రిల్ 26 న జరిగిన మొదటి రెండు దశల పోలింగ్ ఓటరు సంఖ్యను ఎన్నికల సంఘం విడుదల చేసింది.
ఎన్నికలు ముగిసిన వెంటనే పోలింగ్ శాతాన్ని ఈ.సీ. అందించింది. కానీ చివరి ఓటింగ్ శాతం దాదాపు 5.75 శాతం పెరిగింది. ఇది ఆందోళన కలిగిస్తుందని నేను నిన్న తెలుసుకున్నానని బెనర్జీ ఒక ప్రకటనలో చెప్పారు. భారతీయ జనతా పార్టీ కి అనుకూలంగా ఓటింగ్ జరగని ప్రాంతాల్లో ఓటింగ్ శాతం పెరుగుదల గమనించిందని ఆమె ఆరోపించారు. చాలా సందేహాలు ఉన్నాయి, వాటిని కమిషన్ పరిష్కరించాలని ఆమె అన్నారు. ఈ.వీ.ఎం. తయారీదారుల వివరాలను ఎన్నికల సంఘం బహిరంగపరచాలని టీ.ఎం.సీ. చీఫ్ డిమాండ్ చేశారు.
