డాక్టర్ బి.ఆర్. అంబేత్కర్ కోనసీమ జిల్లా అమలాపురం రూరల్ మండలం ఇందుపల్లి లో జరుగుతున్న నవమ వార్షిక మాస దీక్ష సూర్యారాధన కార్యక్రమంలో భాగంగా జరుగుతున్న సాంస్కృతిక కార్యక్రమాలు భక్తులను ఎంతగానో అలరిస్తున్నాయి. వివిధ ప్రాంతాల నుంచి తరలివచ్చిన విద్వాంసులు ప్రదర్శించిన కచేరి కార్యక్రమాలను తిలకించేందుకు పెద్ద ఎత్తున కళాభిమానులు తరలివచ్చారు. సౌర యాగంలో భాగంగా ప్రతిరోజు సాయంత్రం శ్రీ సవితృ కళావేదికపై వివిధ రాష్ట్రాల నుంచి తరలివచ్చిన కళాకారులు వివిధ రకాల ప్రదర్శనలు ఇస్తున్నారు.
దీనిలో భాగంగా శనివారం ప్రముఖ వేణు గాన విధ్వాన్సులు భైరవభట్ల సుబ్రహ్మణ్య శర్మ ఇచ్చిన వేణు గాన ప్రదర్శన ఎంతగానో ఆకట్టుకుంది. వీరికి ప్రముఖ వైలన్ విద్వాంసులు పాలపర్తి ఆంజనేయ శాస్త్రి, మృదంగం కాపవరపు సుబ్బారావు వాయిద్య సహకారం అందించారు. మార్చి 9వ తేదీ వరకు ప్రతిరోజు సాయంత్రం జరగనున్న సంగీత కచేరి కార్యక్రమాలను వీక్షించేందుకు సంగీత ప్రియులు రావలసినదిగా యాగ నిర్వాహకులు గొర్తి గోపాలకృష్ణ కోరారు.